聽到「早產」兩個字，令人想起BB需要加倍照顧。育有一名早產囝囝的Shirley，剛剛誕下一個不足月的BB女，她笑言，命運真的不由人控制。「哥哥35周+5日出世、妹妹33周+6日，兄妹二人用同一個方式出世，就係穿羊水、早產，仲要緊急開刀剖腹生產。」在孕檢初期，醫生曾對她說：「第一個BB早產，第二個BB有機會早啲出世！」萬般不想發生的事，真的發生了！
早產BB在媽媽肚內未發育完成急不及待趕出世，出生後，媽媽通常關心BB營養方面是否足夠。Shirley不只自己關心，連身旁的長輩家人都十分着緊，「佢哋成日覺得哥哥食極唔長肉，要食多啲！」究竟早產BB是否特別「細粒」？要不要多吃一點？為了尋找答案，Shirley加入了幾個社交群組及網上平台，其中一個是NUTRICIA首1000日營養專家平台，「喺平台上可以同一樣有早產BB嘅媽媽傾吓、分享吓，大家同樣面對嘅問題，可以參考吓佢哋嘅處理方法。」Shirley最欣賞平台上的營養顧問解答不同孕媽的疑問，從中可以吸收不少有用湊B資訊。
早前，NUTRICIA首1000日營養專家親身探訪Shirley一家，為她解答照顧兩個早產小朋友時遇到的難題。
▲哥哥與妹妹都屬早產BB，Shirley十分關心他們的營養需要及是否符合生長標準。
跟生長線成長就夠
Shirley：2個月大嘅妹妹依家嘅生長線同哥哥當年一樣係50，屬中碼BB，早產BB喺營養吸收方面有甚麼要注意？
營養專家：小朋友有自己生長線，只要跟住自己生長線就可以，如果忽然升高或降低先要留意。另外，好多時媽媽會按自己需要餵奶俾BB，其實按BB需要才重要。至於哥哥，每日1杯鮮奶、1隻蛋，大概進食360-480毫升奶類產品已足夠，唔飲奶可以食1塊芝士或1杯乳酪，因為人體生長需要鈣質嘅！
食營養補充品因人而異
Shirley：哥哥3歲半，依家比起BB時食少好多，生長線由50去到20，需唔需要食魚油、益生菌等補充品？
營養專家：小朋友唔一定要食補充品，何況哥哥並非唔食。如果佢平時早、午、晚三餐如常進食，唔使太擔心，依家年代嘅小朋友營養過盛多過營養不足。
食多食少不能催谷
Shirley：我俾哥哥BLW(Baby Led Weaning)，自從8、9個月大加固時餵過佢，之後都俾佢自己食，但長輩話咁樣食得少，會食唔飽，所以哥哥咁瘦！
營養專家：好多媽咪冇耐性，希望小朋友盡快食完。小朋友自己進食，當中涉及手眼協調，須時間練習。唔俾佢試，一來唔識，二來依賴屋企人。俾小朋友BLW，可以由幼滑食物開始，當適應後，將食物切片，切忌切成粒狀，否則容易鯁親。另外，食多食少冇得催谷，小朋友食飽就會唔食，過分催谷有機會令小朋友對進食失去興趣，甚至出現偏食等問題。
▲Shirley笑言妹妹是天生食家，早產都識得埋身飲奶。
如果同Shirley一樣，照顧早產BB時遇到不同問題，立刻登入https://bit.ly/2rC7CND，除咗睇到其他媽媽嘅故事，可以留言分享吓、交流吓心得，仲有營養顧問嘅專業意見添！同時分享你和BB首1000日的動人時刻，還可獲贈NUTRICIA多用途布袋乙個，先到先得！
營養顧問給媽媽的專業支援
NUTRICIA首1000日營養專家會在平台回應媽媽的提問，解答有關營養及育兒的疑問，就不同媽媽面對的問題，提供專業且適切的方案，陪伴爸媽渡過首1000日的難忘時刻，做爸媽強大的後盾。
▲NUTRICIA 首1000日營養顧問YVONNE LAU（圖右）為註冊護士曾在醫管局新生兒特別護理部和初生及兒童深切治療部工作，能為爸媽提供專業的育兒意見；MAY SZE（圖左）在嬰幼兒營養公司的客戶服務部工作超過10年，擅於協助媽媽解決育兒上的疑難。
想知更多懷孕、其他專業育兒及營養資訊，立刻登入https://bit.ly/2RO3tkQ
這篇文章 【早產有咩好怕？】大粒細粒 依生長線成長就得！ 最早出現於 Oh!爸媽 - Ohpama.com一站式升學、親子網站。